Xorazm viloyati, Yangiariq tumanida “Raqamli avlod qizlari” loyihasiga tantanali tarzda start berildi. Mazkur loyiha 16 yoshdan 30 yoshgacha bo‘lgan iqtidorli qizlar va faol ayollarni birlashtirib, ularning zamonaviy raqamli ko‘nikmalarini rivojlantirish, innovatsion g‘oya va startaplarini qo‘llab-quvvatlashga qaratilgan.
Loyiha doirasida ishtirokchilar mamlakatimizda mavjud muammolarni texnologik yechimlar orqali bartaraf etish, raqamli sohada o‘z o‘rnini topish va jamiyat taraqqiyotiga munosib hissa qo‘shish imkoniyatiga ega bo‘ladilar.
Shuningdek, tanlov jarayonida ilg‘or fikrli qizlarimiz va ayollarimiz tomonidan taqdim etilgan startap g‘oyalari mutaxassislar tomonidan baholanib, eng istiqbolli loyihalar amaliyotga tadbiq etiladi.
“Raqamli avlod qizlari” tashabbusi nafaqat yoshlarning ijodkorligini va tashabbuskorligini oshiradi, balki ularni zamonaviy texnologiyalar olamida faol, bilimli va yetakchi avlod sifatida shakllanishiga xizmat qiladi.
