Fuqarolar hamda maktab jamoasining tizimga doir murojaat, taklif va shikoyatlarini qabul qilish hamda joyida o‘rganib, bartaraf etish bo‘yicha joylarda Yangiariq tumani Maktabgacha va maktab ta’limi bo'limi boshlig‘ining sayyor qabullari tashkil etilmoqda.

Bugun, 7-noyabr kuni Yangiariq tuman Maktabgacha va maktab ta’limi bo'limi boshlig‘ining navbatdagi sayyor qabuli Yangiariq tumani Shixbog'i mahallasida joylashgan 2-son umumta'lim maktabi binosida bo'lib o'tdi.

Jonli va ochiq muloqot shaklida o'tgan sayyor qabulda maktab jamoasi xodimlari hamda fuqarolarning maktabning moddiy texnik bazasidagi muammolar va boshqa yo‘nalishlardagi murojaat va takliflari qabul qilindi.

Ularning aksariyati joyida ijobiy hal etildi va ayrim murojaatlarni hal etish uchun aniq muddat va zarur choralar belgilab olindi.